Продолжуваат градежните активности за доуредување на централното градско јадро што е сликата на Прилеп. Старата градска чаршија е белег на градот, а во тие рамки и Чарши џамијата која што децении е оставена на забот на времето, без да се преземат било какви комунални, археолошки или градежни зафати за нејзино зачувување.
Чарши џамија во срцето на прилепската чаршија е заштитеното културно добро и претставува значаен дел од историското и културното наследство на Прилеп.
„Прилеп не смее да има руинирани објекти во самиот центар на градот. Нашата обврска е да го зачуваме и уредиме секое место кое сведочи за историјата на градот.Затоа, во координација со Јавните комунални претпријатија и под посебен надзор на НУ Завод и музеј Прилеп, пристапуваме кон внимателно расчистување и уредување на просторот околу овој локалитет. Просторот ќе биде исчистен, уреден, ограден и соодветно осветлен, со почит кон неговото историско значење. Различностите мора да ги почитуваме, а културното наследство да го чуваме. Само така градиме достоинствен и европски Прилеп, град во кој се негува историјата и се гради мултикултурно општество,“ посочи градоначалникот Дејан Проданоски на социјалните мрежи .
Прилеп: Се уредува централното градско подрачје и Чарши џамија
