Јувентус пропушти шанса да се искачи на четвртото место на табелата во Серија А, откако на свој терен одигра само 1:1 против Сасуоло, во меч од 30 коло. Италијанскиот гигант беше голем фаворит пред мечот, водеше со 1:0, но прими гол во 52 минута и Сасуоло израмни на 1:1.
Јувентус имаше неколку шанси за втор погодок, а најдобрата ја пропушти Локатели кој промаши пенал во 87 минута. По мечот, тренерот на тимот од Торино, Лучано Спалети објасни зошто неговиот тим повторно киксирал.
„Заслуживме да победиме, но на крајот не успеавме. Секако дека сме разочарани од резултатот. Создадовме многу шанси, но често правиме погрешен избор и затоа не победивме. На крајот мора да го прифатиме резултатот. Иако во второто полувреме топката споро ја движевме, имавме и некои добри работи, но не ги одбиравме вистинските одлуки“. рече Спалети по ремито со Сасуоло.
По овој нерешен резултати, јубентус сега има 54 бодови, колку што има и четвртопласираниот Комо кој денеска на свој терен игра против аутсајдерот Пиза.
https://sportmanija.mk/spaleti-objasni-zoshto-juventus-ne-go-pobedi-sasuolo/?utm_source=rss&utm_medium=rss&utm_campaign=spaleti-objasni-zoshto-juventus-ne-go-pobedi-sasuolo