На улицата „Методија Андонов – Ченто“ во Скопје вчера после пладне се случила сообраќајка меѓу автомобил „голф“ со скопска регистрација и „БМВ“ со кумановски ознаки, по која првиот возач завршил со телесни повреди, а вториот го снемало од местото.
„На 22.03.2026 во 22:00 часот во СВР Скопје е пријавено дека во 13:30 часот на улицата ’Методија Андонов – Ченто’ во Скопје се случила сообраќајна несреќа помеѓу патничко возило ‘фолксваген голф’ со скопски регистарски ознаки, управувано од З.Р.(56) од Скопје и патничко возило ‘бмв’ со кумановски регистарски ознаки, по што возачот со возилото ‘бмв’ го напуштил местото. Во несреќата со тешки телесни повреди се здобил возачот З.Р., констатирани во Ургентен центар при комплекс клиники ‘Мајка Тереза’ во Скопје. Се преземаат мерки за расчистување на случајот“, соопштуваат од Министерството за внатрешни работи.
The post Се судриле „голф“ и „БМВ“ во Скопје – едниот возач завршил на ургентно, а другиот избегал по сообраќајката appeared first on Слободен печат.
