Започна изградбата на типска училишна спортска сала во дворот на ООУ „Стив Наумов“ во Битола.
Градоначалникот на Општина Битола, Тони Коњановски, информираше дека оваа училишна фискултурна сала ќе биде на површина од 650 квадратни метри.
– Објектот е наменет за спортски и за рекреативни активности во малите спортови како кошарка, одбојка, гимнастика, ракомет, пинг- понг и други спортови поврзани со училишното образование. Тој ќе има две секции, едната за помошни простории ( соблекувална, канцеларија и тоалети), а другата е фискултурна сала со димензии 15 на 30 метри и висина 7,6 метри – објасни Коњановски.
Вкупната вредност на проектот е 48.297.406 денари, средства од вториот владин повик преку Министерството за образование и наука, а дел од нив од буџетот на Општина Битола.
Општина Битола
https://setaliste.mk/%d0%bf%d0%be%d1%87%d0%bd%d0%b0-%d0%b8%d0%b7%d0%b3%d1%80%d0%b0%d0%b4%d0%b1%d0%b0%d1%82%d0%b0-%d0%bd%d0%b0-%d1%81%d0%bf%d0%be%d1%80%d1%82%d1%81%d0%ba%d0%b0-%d1%81%d0%b0%d0%bb%d0%b0-%d0%b2%d0%be-%d0%b4/
