Во кабинетот на градоначалникот на Битола денеска се одржа координативен состанок за завршување на изградбата на планинарскиот дом „Копанки“ на Пелистер.
Градоначалникот Тони Коњановски и секретарот Борче Димитровски ја одржаа оваа координација со претседателот на Планинарско-спортскиот клуб „Пелистер“, Диме Попов, Гоце Стојаноски директор на фирмата изведувач на градежните работи „Стентон градба“ фирма ангажирана од ПСК „Пелистер“, кој исто така го ангажира и надзорот над изведбата и директрот на ЕСМ Молика, Горан Исков.
Беше кажано дека 90 проценти од бетонско-армирачките работи и кровот се завршени, а остануваат да се работат дел од фазите архитектура, водовод, канализација и електрика.
Планот е домот да биде завршен во октомври оваа година, по што ќе остане само опремувањето на собите ( хотелскиот дел ), што ќе се случи во текот 2027 година.
ЕСМ Молика, годинава го промовираше и ноќното осветлување на скијачките терени, а во континуитет работат на осовременување на ски терените на Копанки и имаат одлична соработка и со планинарскиот клуб и со Општина Битола, со цел битолчани и другите љубители на планината и зимските спортови да имаат убави места за рекреација.
Општината ја истакна својата голема посветенот и поддршка во реализацијата на изградбата на домот.
The post Општина Битола: следната сезона домот на Копанки ќе ги отвори вратите за посетителите first appeared on Bitola News.
Општина Битола: следната сезона домот на Копанки ќе ги отвори вратите за посетителите
