Лажна дојава за поставена бомба денеска била испратена до основно училиште во Куманово, по што веднаш реагирале полициските служби.
Од СВР Куманово информираат дека околу 12:50 часот била примена пријава дека на електронската адреса на едно основно училиште во градот е испратена закана за експлозивна направа. По добиената дојава, полицијата презела итни мерки и извршила проверки на терен.
По деталната контрола, било утврдено дека станува збор за лажна пријава и дека нема опасност за учениците и вработените.
Од полицијата посочуваат дека се преземаат активности за целосно расчистување на случајот и откривање на испраќачот на заканата.
https://skopjeinfo.mk/lazhna-dojava-za-postavena-bomba-vo-osnovno-uchilishte-vo-kumanovo-bila-ispratena-po-mejl