Од вчера, 19 февруари 2026 година, ЈКП Водовод – Битола започнува со реконструкција на водоводната мрежа на ул. „Даме Груев“, крак 1 и крак 2, во населбата Мал Париз во Битола.
Во рамки на предвидените активности ќе се изврши целосна замена на старата и дотраена водоводна инфраструктура со нова, современа мрежа изработена од полиетиленски цевки, кои обезбедуваат поголема издржливост, сигурност и подолг век на траење. Паралелно со реконструкцијата ќе бидат изведени и нови приклучоци за домаќинствата, со што дополнително ќе се подобри квалитетот на услугата за жителите од овој дел на градот.
Поради изведување на градежните работи, во текот на наредниот период ќе има повремени прекини во водоснабдувањето.
Од претпријатието апелираат до граѓаните за трпение и разбирање, со цел навремена и квалитетна реализација на проектот.
Со оваа инвестиција, ЈКП Водовод – Битола продолжува со активностите насочени кон модернизација на водоводната мрежа и обезбедување поквалитетно, побезбедно и континуирано водоснабдување за сите граѓани.
https://setaliste.mk/%d0%b7%d0%b0%d0%bf%d0%be%d1%87%d0%bd%d0%b0-%d1%80%d0%b5%d0%ba%d0%be%d0%bd%d1%81%d1%82%d1%80%d1%83%d0%ba%d1%86%d0%b8%d1%98%d0%b0-%d0%bd%d0%b0-%d0%b2%d0%be%d0%b4%d0%be%d0%b2%d0%be%d0%b4%d0%bd%d0%b0/
